Derartu, the people and government of Tigray acknowledge her work by standing by Tigrayan athletes when they are in trouble because of their identity

ደራርቱ፣ ተጋሩ ኣትሌታት ብመንነቶም ምክንያት ኣብ ፀገም ኣብ ዝወደቕሉ እዋን ኣብ ጎኖም ብምኳን ንዓወት ክበቕዑ ዝሰረሐቶ ስራሕ ህዝብን መንግስትን ትግራይ ኣፍልጦ ይህብሉ

-ፕረዚደንት መንግስቲ ትግራይ ዶክተር ደብረፅዮን ገ/ሚካኤል

መቐለ፡2ጥሪ2015 ዓ/ም (ድወት) ረዳት ኮሙሽነር ደራርቱ ተጋሩ ኣትሌታት ብመንነቶም ምክንያት ኣብ ፀገም ኣብ ዝወደቕሉ እዋን ኣብ ጎኖም ብምኳን ንዓወት ክበቕዑ ዝሰረሐቶ ስራሕ ህዝብን መንግስትን ትግራይ ኣፍልጦ ከም ዝህቦ ፕረዚደንት መንግስቲ ትግራይ ዶክተር ደብረፅዮን ገ/ሚካኤል ገሊፆም።

ብኣትሌት ደራርቱ ቱሉ ዝተመረሐ ጉጅለ ሉኡኽ ፈደረሽን ኣትለቲክስ ኢትዮዽያ ምስ ፕረዚደንት መንግስቲ ትግራይ ዶክተር ደብረፅዮን ገ/ሚካኤል ዘትዮ ኣሎ።

ደራርቱ ካብ ፈለማ እዋን እቲ ኹነታት ጀሚሩ ኣብ ጎኒ ሰላም ደዉ ብምባል ሰላማዊ ፍታሕ ትድግፍ ከምዝነበረት ዝተዛረቡ ዶክተር ደብረፅዮን ገ/ሚካኤል፣ ህዝብን መንግስትን ትግራይ ካብ ፈለምኡ ንሰላም ዝነበሮምን ዘለዎምን መትከል ዘይልወጥ ከምዝኾነ ገሊፆም።

ዶክተር ደብረፅዮን ፣ ህዝቢ ትግራይ ሐዚዉን ንስለ ሰላም ረዚን ዋጋ ይኸፍል ኣሎ ብምባል፣ ወረርቲህዝቢ ትግራይ ይጭፍጭፉ ምህላዎም ሓቢሮም።

#ሙሉብርሃን ግደይ